ບັນທຶກເຫດການການແຜ່ລະລາດຮອບທີ່ 2 ຢູ່ ສປປ ລາວ 2021

     ໃນສະຖານະການທີ່ມີການແຜ່ລະບາດຂອງເຊື້ອໄວຣັສອັກເສບປອດ COVID-19 ໃນປະຈຸບັນຢູ່ໃນໂລກເວົ້າລວມ ແລະ ສະເພາະກໍ່ຄືຢູ່ໃນປະເທດລາວເຮົາກໍ່ໄດ້ມີການແຜ່ລະບາດຢູ່ໃນຂອບເຂດທົ່ວປະເທດລາວ ໂດຍທີ່ແມ່ນເລີ່ມການແຜ່ມາຈາກກຸ່ມກ້ອນ (Cluster) ຂອງຜູ່ທີ່ລັກລອບເຂົ້າປະເທດແບບຜິດກົດໝາຍຈາກປະເທດເພື່ອນບ້ານທີ່ມີການແຜ່ລະບາດທີ່ຮຸນແຮງ 

    ໂດຍທີ່ກຸ່ມກ້ອນດັ່ງກ່າວນີ້ ໄດ້ມີການເດີນທງໄປຫຼາຍສະຖານທີ່ໃນນະຄອນຫຼວງວຽງຈັນ ບວກກັບຊ່ວງທີ່ພວກກ່ຽວລັກລອບເຂົ້າມາແມ່ນຊ່ວງເທດສະການປີໃໝ່ລາວ ຈຶ່ງເຮັດໃຫ້ການແຜ່ລະບາດແຜ່ລາມເປັນວົງກວ້າງ. ຈາກເຫດການດັ່ງກ່າວທາງລັດຖະບານກໍ່ໄດ້ມີມາດຕະການ Lockdown ໃນທົ່ວປະເທດເພື່ອສະກັດກັ້ນ ແລະ ຈຳກັດການແຜ່ເຊື້ອດັ່ງກ່າວ. 

   

New Normal Life and Digital Quotient

 

    ການລະບາດຂອງ COVID-19 ເປັນການລະບາດທີ່ຮຸນແຮງເຊິ່ງມັນໄດ້ສົ່ງຜົນກະທົບຫຼາຍດ້ານບໍ່ວ່າຈະສົ່ງຜົນຕໍ່ເສດຖະກິດ ແລະ ສັງຄົມ, ສົ່ງຜົນກະທົບຕໍ່ການເຮັດວຽກ, ການສຶກສາ, ການດຳເນີນຊີວິດຫຼາຍຢ່າງຕ້ອງປັບປ່ຽນ ມີການໃຊ້ເຕັກໂນໂລຊີດິຈິຕອນຫຼາຍຂື້ນ ຈົນເປັນການປັບຕົວເຂົ້າສູ່ຊີວິດວິຖີໃໝ່ (New Normal) ດ້ວຍການໃຊ້ເຕັກໂນໂລຊີຊ່ວຍດຳເນີນງານດ້ານຕ່າງໆເພື່ອຫຼຸຸດຜ່ອນການແອອັດ.

    ຊີວິດວິຖີໃໝ່ຈຶ່ງກ່ຽວຂ້ອງກັບການໃຊ້ເຕັກໂນໂລຊີດິຈິຕອນຢ່າງຂາດບໍ່ໄດ້ ເຊິ່ງຈຳເປັນຕ້ອງວາງຮາກຖານ, ຄວາມຮູ້ຄວາມເຂົ້າໃຈເພື່ອຢູ່ກັບໂລກດິຈິຕອນ ມີການປັບຕົວ ແລະ ປ່ຽນແປງວິທີການດຳລົງຊີວິດທີ່ເປັນການປະສົມປະສານການດຳເນີນຊີວິດຢູ່ເທິງໂລກກາຍຍະພາບ (Physical) ກັບໂລກຈຳລອງທີ່ເອີ້ນວ່າ: ໂລກໄຊເບີ (Cyber) ທີ່ມີແຟັດຟອມການບໍ່ລິການແບບດິຈິຕອນ (Digital service platform), ດັ່ງນັ້ນ ມັນຈຳເປັນທີ່ເຮົາທຸກຄົນຕ້ອງໄດ້ພັດທະນາຄວາມຮູ້ຄວາມສາມາດ, ທັກສະ ແລະ ຄວາມສະຫຼາດທາງດິຈິຕອນ ເພື່ອກຽມພ້ອມສູ່ການເປັນພົນລະເມືອງດິຈິຕອນຕໍ່ໄປ ເຊິ່ງມັນເປັນພື້ນຖານທີ່ຈຳເປັນຕໍ່ການດຳເນີນຊີວິດ ເພື່ອຫຼຸດຄວາມສ່ຽງໃນການດຳລົງຊີວິດໃນຍຸກວິຖິໃໝ່ນີ້.

                                                                                                            Noutouy DUANGTA

                                                                                                               ຫຼວງພະບາງ, 23 ເມສາ 2021